名牌變剪牌

名牌變剪牌

小兒漸成長, 且要求多多, 咀又多多!
一個唔合意, 就直接發爛渣!
絕對係既簡單, 又直接!

最近小兒潮興剪牌! 咩牌?
就係著得上身D衫仔褲仔LOGO牌喇!
咁點解要剪!? 就係因為一味話:咭咭咭囉!
OK! 大家就一就, 最緊要唔好嘈! 剪囉!

事情發展至連D毛公仔D牌都要剪,
解釋過小兒聽, 毛公仔唔係著上身, 唔會咭, 唔駛剪!
可惜小兒聽唔明, 一味重複"咭咭咭...!"
OK! 真係怕左你, 剪就剪啦!

太太非常愛錫小兒, 上季就買定今季衫,
見有點點名氣品牌有優惠, 當然唔放過機會, 為小兒買多幾件啦!

問題黎喇!....小兒要求名氣品牌衫衫剪牌......!
咁名氣品牌剪左牌, 就即時變成出口轉口水貨翻版衫......品牌意義不存在了........

睇我地要好好教育小兒品牌概念......