家計會六十周年歷史珍藏品回顧預展 2010年八月十四至十六日
三, 2010-08-11 05:09
家計會六十周年歷史珍藏品回顧預展
今年為香港家庭計劃指導會 (家計會) 六十周年鑽禧紀念，本會將於八月十四至十六日於香港教育學院，舉行一場家計會六十周年經典海報、電視電台廣播及宣傳品回顧展覽。本會特別為傳媒朋友安排了一場預展，並藉此機會與大家一同回顧家計會過去六十以來，與香港市民息息相關的工作和逸事，及宣布一些好消息。
本會的宣傳品設計，乃針對基層市民，例如早年的漁民、越南難民及大陸新移民等，其中一些甚具本地文化特色，亦常用幽默手法處理敏感的性與生殖健康話題。部分展品從未展出，部分則會於展出後捐贈與香港歷史博物館。展品包括：
- 50年代以來的經典宣傳海報；
- 特製巨型家庭計劃海報布景版─可讓市民成為經典海報中的角色，作拍攝留念；
- 電視宣傳短片；
- 70年代以來有關家庭計劃、性病檢查*、懷孕前驗身**、捐精、割包皮、性治療等服務的宣傳聲帶；
- 性與生殖健康宣傳品及教育工具─包括首冊特別製造給盲人使用的凹凸圖文並茂避孕冊子；
- 醫療儀器─包括早期女性結紮手術儀及輸卵管檢查儀。
家計會玩集體回憶
2010年08月11日
(未有評分)瀏覽人次：0FacebookTwitter轉寄朋友
家計會 60年 幽默 sell性
80年代搵名人做代言人，關師傅同寶寶姐都做過宣傳大使。
「兩個就夠晒數！」係 70年代家計會嘅宣傳口號，堪稱經典，但語帶雙關嘅廣告對白「貴精不貴多，兩粒就夠喇」，大家又聽過未？家計會趁今年成立 60周年舉辦回顧展，展出幾十年嚟經典海報、電視廣告同電台宣傳聲帶，當中港人集體回憶，相信係 83年關德興師傅大鬧徒弟秦煌嘅醒世名言：「家庭計劃，你都唔敢負責，你仲係男人嚟嘅！」
家計會最早期海報，以爛飯碗及斷擔挑警惕市民唔好過度生育。
成立之初，家計會設於灣仔佩夫人診所。黑白圖片
戰後人口膨脹着重節育
呢兩個名為「德德」、「家家」嘅布公仔，係新一代性教育道具，相信 90後先識佢哋。
除咗關師傅，好多名人都做過家計會代言人， 80年代搵影星馮寶寶宣傳節育：「寶寶唔駛多，最多生兩個」；呼籲婦女年年驗身又係佢：「我呢個約會你都應該去嘅！」回顧展有不同年代嘅子宮環、女性結紮手術儀器展出。家計會服務對象包括男性，宣傳手法算大膽前衞， 86年播出嘅「家庭計劃要做得哥」電視廣告傳頌一時，自此令「得哥」成為男人「唔得」嘅代名詞。青少年情竇初開易「搞出人命」，當年「心思思，有件事，遇疑難，話我知」嘅宣傳口號，係咪好有親切感呢！
家計會 1950年成立，前身係香港優生會。執行總監范瑩孫醫生同八方講，戰後香港人口不斷膨脹，佢哋要去徙置區、工廠教人節育，又印刷多圖少字宣傳單張畀艇戶同農民，唔識字都要識避孕。
時移世易，家計會以前叫人唔好生咁多個，近年卻要幫人生仔，范醫生話近幾年尋求生育指導計劃嘅人，由 04年 1,240人，上升到 08年 1,895人，「真係好好生意」。
60歲婦女優惠價做檢查
家香港人生小朋友一個都嫌多，特首仲叫人生三個先夠數，范醫生好感慨咁話，時下女性工作行先，要有車有樓，仲要等埋升職先肯生仔，眨眼 30幾歲，生育能力減低，後悔就太遲。家計會「六十周年歷史珍藏品回顧」展覽聽日開始一連三日喺香港教育學院舉行，今年滿 60歲嘅婦女，仲可以優惠價 60元（原價 150元）去家計會做子宮頸細胞抹片檢查，名額暫時得 600個。
資料來源: 蘋果日報