[有抵死笑片]唔好意思　網民：肉麻當有趣

惡搞海報　諷刺時弊
2010年10月08日
(3人)瀏覽人次：1,033FacebookTwitter轉寄朋友
港鐵：唔好意思　網民：肉麻當有趣

梁振英俾網民擺上枱翻舊賬。

地下鐵路，為你建造，係上世紀嘅事，家陣港鐵儼如地產商，港鐵站上蓋豪宅矜貴，為誰建造，大家心中有數。港鐵早幾日推出一系列「唔好意思」廣告，就新鐵路工程擾民向公眾致歉，點知網民一個唔該，就發揮創意改圖，盡情惡搞。
有人將港鐵拆菜園村、八達通出賣客戶私隱、地鐵站上蓋賣發水樓等劣行，用嚟做咗個反宣傳廣告。 Key咗港鐵 CEO周松崗話「唔好意思囉，我地做地產 o架」、八達通一姐陳碧鏵同你講聲唔好意思，話「估唔到私隱都賣到錢」。

原裝港鐵海報，係為工程擾民向公眾道歉。

網民創意無限，玩埋曾班子， key咗煲呔張相話「唔好意思囉，我本身係諗住打份工」，環境局局長邱騰華就撐擴建堆填區，「我真係唔覺臭」。八方覺得最抵死嘅一幅改圖，係將行會召集人梁振英擺上枱，刊出佢六四當年譴責北京屠城個廣告，設計對白係「唔好意思，當年我食咗誠實波板糖」。
資料來源: 蘋果日報