e-nail 水指甲 - 環保甲油

早前又返第二個家_台北, 因為工作關係,去左成星期, 但又忙左成星期....累

所以今次無買到食既手信, 只係買左幾本貼紙書,同埋去左行"康是美".

後來去到忠孝復興既SOGO, 晌底層既CITYSUPER行來行去, 照道理就唔會晌CITYSUPER買野,

因為係進口貨, 一定比香港貴.

行行下, 有個女仔拎住支甲油,用娃娃聲介紹呢款甲油牌子 E-NAIL

見無咩野睇, 就即管比佢試下搽上手,其實剛開始時,唔係咁聽到佢講咩,

只係大概知道係"環保甲油","水甲油",見佢幫我搽上手甲後, 係用風筒用熱風吹!!!

一般搽完甲油,都係用冷風或是紫外光照乾D甲油.

第一次係用熱風吹, 即時加強注意力,聽下佢講咩.

原來呢隻係同一般既甲油唔同, 佢係以純水與香水基底為主成份，

完全不含有毒化學成份，如甲苯、甲醛，醋酸乙酯，與磷苯二甲酸鹽等;

如果岩岩搽上手, 覺得唔太岩心水, 可以用水就擦走,係唔洗用洗甲水,

到要卸甲油時, 用熱水浸一陣就可以剝除,呢隻係可剝既甲油~

佢一路將我十隻手搽唔同既組合, 又畫花,又畫草莓,

但我對眼就一路睇佢既顏色同其他組合,佢主要都係淺色同閃粉系列.

得幾隻係深色, 可能係方便畫花.

而佢既組合裡面, 有一個係專門畫花, 另加3支甲油,顏色任選,仲送埋一本書仔,教你畫花.

另一個係"硬甲油+護甲油",

買左一堆野, 個女仔都送我呢隻閃粉, 係可以拉線既,

當然,淨係買甲油,都係有優惠.

而我最喜歡既係, 佢既包裝, 幾支甲油放晌個盒入面, 幾精美~

有興趣可以上去睇下
http://www.e-nail.com.tw/