Sesame Street Live芝麻街音樂劇2010

上星期到過演藝, 睇左套Sesame Street Live芝麻街音樂劇,
是日weekend下午場, 入場人數特別多, 入座率有9成幾.

好緊張地等開場

入場前有芝麻街場刊同紀念品, Elmo毛公仔賣,
我地都唔覺意咁, 買左個elmo轉轉轉既玩具俾小朋友玩.
玩具個功能真係唔知係咩, 只係識得轉轉轉同發光.
只係, 小朋友就相當開心喎, 揸住就唔肯放.

呢個轉轉轉真係幾好玩for小朋友

同場見好多小朋友, 有d真係好細, 歲幾都有.
好多都自備emlo產品入場, 真係幾得意既芝麻街野都有,
好似成年人去參加party咁, 有d真係好搞笑.

好多小朋友都自備elmo產品入場, 千奇百怪, 要幾趣, 有幾趣, 請俾趣!

其實成年人對Sesame Street真冇咩特別,
不過對於小朋友黎講就夠晒震撼喇.
咁大隻Elmo毛神神識郁黎郁去喎, 仲會落台同d小朋友搞下氣氛,
唔係電視咁喎, 小朋友真係睇得好開心.

入場前 真係好多人架
個音樂劇分上下半場, 中場有15分鐘休息, 知道d小朋友坐唔定嘛.
至於音樂劇講咩就真係冇咩印象, 載歌載舞咁啦.
小朋友睇得開心就可以了.

由Big Bird為音樂劇開幕

Ernie

Abby Cadabby

Bert

Cookie Monster

當然唔少得Elmo啦!

載歌載舞齊謝幕!
感謝主辦機構對小兒既愛護有加.